Kámara di Komèrsio ta organisá debate di elekshon dia 6 di mart 2023

Dia 6 di mart Kámara di Komèrsio ta tene un debate di elekshon ku e kabesante di lista relashoná ku e elekshon di Konseho Insular di 15 di mart binidero. A base di resultado di e elekshon akí ta forma un koalishon nobo i un akuerdo di koalishon, ku ta determiná ki direkshon ta skohe pa nos isla Boneiru. Esaki ta hasi pues ku e elekshon akí ta di gran importansia pa nos poblashon en general i pa empresarionan en partikular. Pa e motibu akí Kámara di Komèrsio ta organisá e debate akí, di manera ku empresarionan por forma un mihó imagen pa nan mes di e partidonan polítiko i nan eskohonan.

Den e periodo promé ku e debate, via Facebook Kámara di Komèrsio lo kompartí vários ponensia ku ta bai presentá na e kabesantenan di lista durante e debate. Ta presentá e ponensianan akí komo eskoho na tur empresario na nos isla, pa sirbi komo input pa e debate entre e kabesantenan di lista. Pa medio di un votashon empresarionan por indiká kiko nan ta haña importante pa e desaroyo mas aleu di Boneiru su ekonomia. Kámara di Komèrsio ta supliká tur empresario pa partisipá aktivamente pa medio di indiká nan ponensianan di preferensia.

E Sentro pa Empresariado ku ta ubiká na Kámara di Komèrsio (Kaya Amsterdam 23) a risibí un tarea di ministerio di Asuntunan Ekonómiko pa sigui fortifiká e ret di empresario na Boneiru mas aleu. E debate akí ta un di e aktividatnan ku ta enfoká riba edifikashon di e ret akí.

Ta organisá e debate entre otro pa mustra empresarionan riba importansia di elekshon pa ekonomia di nos isla i alabes pa fortifiká e laso entre empresarionan i polítika.

Ta transmití e debate tantu na televishon komo via facebook pa loke ta trata medionan di komunikashon. Si bo ke ta presente na e debate dia 6 di mart (5.30’or – 9.30’or di anochi na Courtyard by Marriott Bonaire Dive Resort), e ora ei bo por manda un email na bis@kvkbonaire.com.