Kámara di Komèrsio ta organisá momentu di apresio pa treinernan di KvK Academy

Resientemente Kámara di Komèrsio i Industria Boneiru a organisá un momentu spesial di apresio pa e treinernan di KvK Academy. Durante e enkuentro akí, rekonosementu, konekshon i mehorashon di kalidat tabata sentral.

Miéntras ku nan tabata disfrutá di algu di bebe i un pasaboka, e treinernan huntu ku Kámara di Komèrsio a wak bèk riba e kursonan ku ta tras di lomba. Ampliamente nan a para ketu na e resultadonan ku nan a logra, e eksperensianan di e partisipantenan i e kolaborashon mutuo.

Banda di esaki tabatin espasio pa un evaluashon ku enfoke riba kontenido di e kuríkulo. Den algun kòmbersashon habrí e treinernan i Kámara di Komèrsio a deliberá tokante kua ta e partinan ku ta konektá bon ku nesesidat di nos empresarionan i na unda eventual ahuste ta deseabel pa fortifiká e programa mas aleu i hasié resiliente pa futuro.

Ku e momentu di apresio i evaluashon akí Kámara di Komèrsio ta suprayá importansia di su treinernan i nan ròl krusial den dunamentu di sosten na i fortifikashon di nos empresarionan na Boneiru. Enbolbimentu, inspirashon i un ambishon kompartí pa permanentemente optimalisá kalidat di KvK Academy a karakteristiká e enkuentro akí.