Kámara di Komèrsio ta preokupá tokante e ‘cost of doing business’ na Boneiru

Kámara di Komèrsio ta preokupá tokante e kobransa di kloaka ku Konseho Insular di Entidat Públiko Boneiru a aprobá. E preokupashon ta dòbel. Na promé lugá e kobransa di kloaka akí ta hasi gastunan di sektor turístiko konsiderabelmente mas pisá. Entretantu durante e añanan tras di lomba tabatin vários okashon kaminda e gastunan a bira mas pisá, di manera ku e ‘cost of doing business’ (e gastunan di hasi negoshi) a subi konsiderabelmente. Den e gastunan akí ku resientemente a bira mas pisá, Kámara di Komèrsio ta mira un motibu pa ripití e investigashon pa loke te trata ‘cost of doing business’ i gustosamente ke drenta den konsulta ku Entidat Públiko Boneiru i ministerio di Asuntunan Ekonómiko tokante esaki. Na di dos lugá Kámara di Komèrsio ta preokupá tokante e forma den kua dentro di Entidat Públiko Boneiru toma di desishon tokante asuntunan esensial ta tuma lugá. Pa e motibu akí Kámara di Komèrsio ta supliká Entidat Públiko Boneiru pa sòru pa mehorashon riba tereno di deliberashon, konsultashon, partisipashon i apelashon.  Un gobièrnu transparente i konfiabel ta na benefisio di organisashonnan di interes, empresanan i habitantenan.