Aug 31
Notisia

Kámaranan di Komersio di Islanan Hulandes a reuní na Kòrsou

Relato di prensa Papiamentu

Kámaranan di Komersio di Islanan Hulandes a reuní na Kòrsou

DOKUMENTO FIRMA TA APUNTA 3 PUNTO IMPORANTE PA KRESEMENTU  EKONOMIKO DI E ISLANAN

Willemstad—Siman pasa miembronan di Association of Dutch Caribbean Chamber of Commerce (DCCC), a reuní na Kòrsou pa diskutí vários tema tokante ekonomia di e islanan hulandes I a interkambiá ideanan pa sirbi nan miembronan mihó. DCCC ta un asosashon di Kámara di Komersio I industria di Aruba, Kòrsou, Boneiru, St.Maarten Saba I St. Eustatius representando mas ku 65.000 kompania.

E reunion di un dia a inkluí diskushon riba e “landspakket”, relashon ku Venezuela, reglanan nobo pa kompanianan registrá I mas importante ainda maneranan pa mehora konekshon ekonómiko entre e islanan.

Despues di e deliberashonnan I kambio di idea, miembronan di DCCC a firma un dokumento ku 3 punto ku nan a bai di akuerdo kuné ku ta masha importante pa e ekonomianan di e islanan.

  1. Ku e Kámara di Komersionan ta yuda ku implementashon di e landspakket pa subi e resistensia di e economianan di Aruba, Kòrsou I St.Maarten. Tambe e 3 paisnan den Karibe Hulandes ta haña ku ta esensial ke e reforma di sistema di impuesto, sosial, ekonómiko i merkado laboral ta yuda pa un mehorashon sostenibel. E dokumento ku a wòrdu firma tambe ta bisa ku ta fundamental ku e landspakket tin un enfoke holistiko I integral i ku e envolvimentu na ora di e stakeholdersnan ta importante. Banda di esei ta enfatisá ku pa krese e transparensia di e reformanan, e rekomendashonnan mester wòrdu hasi públiko
  2. Pa habri frontera ku Venezuela mas pronto posibel na interes di nos komunidatnan I pa promové I fasilitá komersio
  1. Pa stimulá I promové komersio entre e islanan den Reino na un manera mas finansieramente efektivo I bin ku un konektividat ku ta pagabel entre e islanan.

E dokumento tabata firma pa Sra. M. Kock, Presidente di Kámara di Komersio I industria di Aruba,  Sr. H. Groot, presidente di Kámara di Komersio I industria di Boneiru, Sr. H. Van Xanten Presidente di Kámara di Komersio I industria di Saba I St. Eustatius, Srta. J. Carty, Presidente di Kámara di Komersio I industria di St. Maarten I Sr. W. Jonckheer, Presidente di Kámara di Komersio I industria di Kòrsou.