Kambio grandi den kódigonan SBI 2025

Den aña 2025 un revishon grandi di SBI ta bai tuma lugá. Kua ta e konsekuensianan ku e revishon di SBI lo tin pa registrashon di empresa na Kámara di Komèrsio Boneiru (KvK)?

E revishon di SBI ta enserá kombiná, supdividí i restrukturá algun kódigo di SBI. Banda di esaki e kódigonan ku awor akí ta konsistí di kuater nivel, ta haña un di sinku nivel pa medio di agregá un sero (0). Komo resultado di esaki hopi empresa ta bai haña un otro kódigo di SBI. Esaki no tin konsekuensia pa e aktividatnan di un empresa.

Mas òf ménos un biaha den 15 aña ta renobá e kódigo di SBI (Klasifikashon Stándart di Empresa) pa hasi konekshon ku e desaroyonan ekonómiko i e kambionan den aktividatnan empresarial. E siguiente adaptashon grandi ta planiá pa aña 2025. Den e último kuartal di aña 2025 Kámara di Komèrsio ta prosesá e kambionan akí den Registro Komersial.

Kiko esaki ta nifiká pa bo empresa?

Adaptashon outomátiko di bo kódigo di SBI:

• Kámara di Komèrsio ta sòru pa bo kódigo di SBI keda prosesá outomátikamente. Bo mes no tin mester di hasi nada pa esaki.

Kontrolá bo aktividatnan empresarial:

• Ta importante ku bo aktividatnan empresarial den Registro Komersial ta kuadra. E deskripshon korekto ta sòru pa bo haña e kódigo di SBI korekto.
• Bo aktividatnan a kambia? E ora ei sòru pa bo adaptá esaki promé ku luna di sèptèmber 2025 den Registro Komersial. Esaki bo mes por regla fásilmente via Kámara di Komèrsio.

Dikon un kódigo SBI korekto ta importante?

• Ta usa kódigo di SBI pa estadístika, klasifikashon den sektor i tin ora tambe pa supsidio, pèrmit òf seguro. Pa e motibu akí un kódigo robes por tin influensia riba bo empresa.

Mas informashon tokante e kambio di e kódigonan di SBI bo por haña akinan.