Komunikado pa prensa ‘Buki di Prèt’

E aña akí tambe Kámara di Komèrsio i Industria Boneiru a partisipá na un aktividat di vakansi for di e ‘Buki di Prèt’ pa alumnonan di e skolnan básiko di Boneiru.

EMPRESARIADO TA E GAMING NOBO tabata tema di e aktividat ku Kámara di Komèrsio Boneiru a ofresé na e alumnonan. Di e manera ei a papia tokante e diferente tiponan di empresa i kon plasentero por ta pa bo ta bo mes doño di trabou den futuro.

E muchanan a haña  un mihó bista di kiko ta empresariado pa medio di wega i un tarea final kaminda hasiendo uso di e informashon ku nan a haña nan por a inventá un game/wega di bèrdat pa e produktonan ku por kumpra na Kámara di Komèrsio Boneiru. Por ehèmpel kon e empresarionan rápidamente por risibí informashon digital, pero tambe kon bo por yena un plan di negoshi digitalmente.

Gustosamente Kámara di Komèrsio Boneiru ta promové e idea ‘Loke bo siña ora bo ta chikitu, bo ta hasi ora bo bira grandi’. Pa medio di esaki Kámara di Komèrsio ta deseá tur mucha i nan mayornan un dushi vakansi!