KvK ta stimula spiritu di emprendemento entre hoben durante aktividat di ‘Buki di Pret’

Djarason 16 di yüli, Kámara di Komersio Industria (KvK) a partisipá pa di sinku biaha na e aktividat di vakashon di Buki di Pret, un inisiativa pa skolnan di enseñanza básiko. E aña aki, e aktividat tabata den teken di kreatividat i emprendemento, ku tema: Krea bo propio logo pa bo negoshi.

Durante e seshon, dies sinku partisipante yen di entusiasmo a haña informashon tokante e rol i trabou di KvK. Despues, nan mes a pone man na obranan diseñando nan mes propio logo pa un negoshi. E aktividat aki a duna mucha un chens pa haña konosementu di forma divertido riba emprendemento i pa pone nan idea den un forma visual.

KvK ta kontinia traha pa inspirá i motivá hoben pa pensa tokante emprendemento for di un edad tempran. Inisiativa manera Buki di Pret ta konektá perfektamente ku e meta aki.