Lista definitivo di votadó 2021 – 2022

A base di e Dekreto Elektoral pa Kámaranan di Komèrsio i Industria BES tur aña tin elekshon pa un òf mas posishon den direktiva di Kámara di Komèrsio Boneiru. Tur hende ku ta registrá den registro komersial di Boneiru ku un empresa aktivo por vota komo persona ku derecho di voto.

Kámara di Komèrsio Boneiru ta anunsiá ku via e aneksonan athunto ta publiká e listanan di votadó pa aña 2021. Pa motibunan di privasidat no ta publiká vershon digital di e listanan den nan totalidat mas, pero solamente nòmber i fam di e persona ku derecho di voto. E vershonnan kompleto i amplio ta disponibel pa mira na bali di Kámara di Komèrsio Boneiru na Kaya Amsterdam 23 na Boneiru.

Via e lenk akí bou bo por mira e listanan ku nòmber di e votadónan pa Empresa Chikí i Empresa Grandi. Kandidatonan ku ke pone nan mes elegibel pa un funshon den direktiva di Kámara di Komèrsio Boneiru tin ku akumulá por lo ménos 15 firma. E personanan ku ta firma mester ta riba lista di respektivamente Empresa Chikí òf Empresa Grandi (dependiente di pa kua kategoria e kandidato ke pone su mes elegibel).

Si bo ta deseá di risibí mas informashon, e ora ei bo por tuma kontakto ku Kámara di Komèrsio Boneiru via e emailadrès: director@kvkbonaire.com òf telefónikamente via number: 717 5595.

Definitief kiezerslijst Kleinbedrijf 2021

Definitief kiezerslijst Grootbedrijf 2021