Reapertura ofisina di Kámara di Komèrsio Boneiru!

Djaluna 18 di mei 2020 Kámara di Komèrsio Boneiru ta habri pa públiko atrobe for di 8.00 or te 12.00 or i di 13.00 or te 16.00 or.

Nos ta implementá medidanan di siguridat pa salbaguardá siguridat di tantu nos klientenan komo nos personal. E medidanan vigente kontra COVID-19 ta keda na vigor.

Nos ta pèrmití solamente 3 kliente pa drenta na mes momentu, mester desinfektá man i mester mantené un distansia minimó di 1,5 meter di otronan ku ta presente.

Pa evitá rei i tempu di warda innesesario, nos ta konsehá pa tuma kontakto ku klantenservice@kvkbonaire.com pa  informashon tokante nos servisio.

Mas informashon ta disponibel riba nos wèpsait www.bonairechamber.com i tambe por tuma kontakto ku nos na 717-5595 ext. 5008.

Nos ta gradisí bo pa e oportunidat pa por sostené bo durante e tempu difísil aki.