Konstruí bèk mihó un siman pa St. Maarten

16 di mart te ku 20 di mart 2018

Organisá pa Ernst&Young Dutch Caribbean, Centre of Excellence for SIDS (UNDP), Dutch Caribbean Chambers of Commerce i Present Your Startup Caribbean

Willemstad—Resientemente naturalesa tabata tin un efekto devastador riba islanan de karibe. Ta klave pa un grupo grandi di akshonistanan kolaborá pa asina haña un solushon pa por konstruí mas fuerte pa futuro di e islanan pa asina evitá ku historia ta keda ripití.

Despues di e distrukshon di orkan Irma i Maria, St. Maarten i otro islanan serkano a kuminsá rekonstruí nan sosiedat, ekonomia, i institushonnan; kualkier ayudo ta bon bini. Pa e motibu aki, Centre of Excellence for Small Island Developing States (SIDS) – United Nations Development Programme (UNDP) initiative situá na Aruba- i EY Dutch Caribbean ta organisando “Build Back Better Week SXM”. E siman eksklusivo independiente aki “BBB Week” ta mek pa logra ideanan i konekshonnan pa un futuro fuerte pa St. Maarten.

E siman ta konsistí di “Do-Tank”, un evento pa desaroyá akshon kaminda esnan den turismo sostenibel, emprsarionan i esnan den energia nobo por partisipá pa asina krea un futuro mas fuerte pa St. Maarten i otro islanan ku tambe a wòrdu afektá dor di desaster natural. E evento aki lo tuma lugá for di 16 di mart te ku 18 di mart, 2018.

Aparte di esaki, Dutch Caribbean Chambers of Commerce (DCCC) i Present Your Startup Caribbean ta organisando un evento “Do-Trade” na St.Maarten durante di “BBB Week” kual lo ta un “Trade mission” ku ta konsistí di, training, “matchmaking” i un seshon networking. E evento aki tambe lo ta un “kick off” ku koperashon entre e paisnan di reino.

“Do-Trade” lo tuma lugá 19 di mart, 2018. DCCC ta enkurashá tur kompanianan ku ta interesá pa djòin e mishon aki kaminda Present Your Startup Caribbean lo djòin ku invershonistanan i startups nan di Hulanda.

“E ta realmente den e sipritu di ‘papia ménos i aktua mas’ ku nos ta organisando Do-Tank” asina Arno Boersma ta splika, Manager di the Center of Excellence. “ Ku hopi diversidat di partisipante, mi ta sigur ku nos lo mira hopi idea ku lo bai ta posibel pa implementá, i nos ta kla pa kompartí nan ku otro SIDS rònt mundu”. Bryan Irausquin, Office Managing Partner di EY Dutch Caribbean, ta agregá “konstruyendo un mihó futuro pa hendenan na St. Maarten ta kuminsá ku preguntanan ku ta hiba nos na un mihó kontesta”; esaki ta eksaktamente lokual nos intenshon ta pa hasi ku mentenan kreativo durante Do-Tank. Mas ainda, nos ta yamando e evento aki Do-Tank komo prueba di nos kompromiso pa ku St. Maarten i ku kontestanan ku lo kondusí nos na akshonnan i resultadonan ku lo boost e sostenibilidat pa desaroyo di St. Maarten”.

“Nos na Dutch Caribbean Chamber of Commerce (DCCC) ta hopi kontentu ku e oportunidat aki. E’ saki lo ta un bon plataforma, no solamente pa yuda St.Maarten su ekonomia i su sektor privá pa para riba nan pia mas lihé posibel, pero tambe lo oumentá e laso entre ekonomia paisnan den reino” Segun Billy Jonckheer presidente di DCCC.

Tur ku ta interesá den e tópiko nan menshoná ta invitá pa djòin nos i kontribuí na e BBB Week.

Build Back Better Week SXM, ku kombinashon di Do-Tank i Do-Trade ta primintí di hasi gran kontribushon na un futuro fuerte pa St. Maarten. No duda, Djòin nos!

Pa detaye nan tokante BBB SXM Week por subi nos website. Bo por sigui nos riba Facebook.

Pa mas informashon, tuma kontakto ku:

• Centre of Excellence for SIDS- Aruba (Arno Boersma; 297 740 8211)
• EY Dutch Caribbean – Curacao(Axel de Vries; +5999 430 5000)
• Dutch Caribbean Chambers of Commerce (Kirsten Römer; +5999 461 1451)
• Present Your Startup Caribbean (Valerie Vallenduuk; +31 4673 0993)

Of tuma kontakto ku nos.