Seshon di informashon: Balor di bakunashon pa empresanan i ekonomia

E pandemia mundial di COVID-19 pa mas ku un aña kaba ta sòru pa problemanan serio. Pa motibu di e kantidat di persona kontagiá ku ta oumentando, gobièrnu hulandes a disidí pa bai bakuná habitantenan di Boneiru mas rápidamente. Serka bo empleadonan i serka bo mes esaki por kondusí na preguntanan tokante bakunashon. Pa e motibu aki Kámara di Komèrsio huntu ku Entidat Públiko Boneiru ta tene un seminar online pa kontestá e preguntanan mas importante pa empresarionan tokante bakunashon. Den e enkuentro aki diputado Den Heyer i diputado Thielman lo hiba palabra i tambe Joey van Slobbe di departamento di Salubridat Públiko di Entidat Públiko Boneiru.

Den e seminar online banda di e importansia di bakunashon lo para ketu tambe na preguntanan práktiko, e posibel efektonan sekundario di e bakuna i puntonan spesífiko di atenshon pa dunadónan di trabou. Na final di e enkuentro tin oportunidat pa empresarionan pa hasi pregunta pa haña klaridat tokante e tópiko importante aki.
Mas tantu hende laga bakuná nan mes, ménos kaso ku keho serio lo tin di COVID-19  na Boneiru. Pa ekonomia di Boneiru ta di gran importansia ku mas tantu hende posibel ta laga bakuná nan mes, di manera ku dentro di un término mas kòrtiku posibel nos isla lo por risibí turista atrobe.

E seshon di informashon ta na papiamentu. Den kaso ku bo tin nesesidat pa un seshon na hulandes òf ingles, bo por pone nos na altura di e nesesidat aki riba bis@kvkbonaire.com.

Registrá bo mes via e kònòpi aki bou.