SPLIKASHON EKSTRA RELASHONÁ KU LEGISLASHON NOBO PA KÁMARA DI KOMERSIO I INDUSTRIA I REGISTRO KOMERSIAL ENTRANTE 1 DI YANUARI 2022
For di 1 di desèmber Kámara di Komèrsio Boneiru (KvK) regularmente ta saka públikashon tokante kontenido i konsekuensia di e kambionan di lei ku ta na kaminda entrante 1 di yanüari 2022. Esakinan ta regardá e Lei di Kámaranan di Komèrsio i Industria BES, e Lei di Registro Komersial 2009 BES, e Dekreto di Registro Komersial 2009 BES i e Dekreto Elektoral pa Kámaranan di Komèrsio i Industria BES. Relashoná ku publikashonnan resien den medionan di komunikashon i medionan sosial i preguntanan direkto di empresarionan, Kámara di Komèrsio ta haña importante pa pone e kambionan mas prinsipal un biaha mas un tras di otro i duna splikashon riba algun punto di e kambionan akí.
E kambionan mas prinsipal den e legislashon ta aplikabel pa:
- Reglanan tokante elekshon di miembro di direktiva di Kámara di Komèrsio.
- Tareanan i kompetensianan di Kámara di Komèrsio.
- E tarifanan di algun di e trabounan ku Kámara di Komèrsio ta ehersé.
Manera ta kustumber Ministerio di Asuntunan Ekonómiko i Klima a formulá e kambionan di lei akí i seguidamente parlamento hulandes a tuma desishon tokante esakinan. Meta di e kambionan ta pa hasi posibel pa Kámara di Komèrsio Boneiru (i esunnan di Saba i St Eustatius tambe) pa ehekutá nan tareanan na un manera mas efikas i mas efisiente segun un sistema ku ta kuadra dentro di e espíritu di tempu aktual. Entretantu partinan grandi di e legislashon tabata hopi dékada bieu i (sumamente) antikuá. Kámara di Komèrsio ta funshoná dentro di kuadro di e legislashon i regulashon menshoná i no ta Kámara di Komèrsio mes ta disidí tokante kontenido di e legislashon akí.
For di 1 di desèmber Kámara di Komèrsio a anunsiá na e empresanan registrá i via media ku e legislashon i regulashon nobo lo drenta na vigor i a duna un bista general di e kambionan. Pa e detayenan Kámara di Komèrsio a referí na su wèpsait. Despues un biaha mas punto pa punto a trese e diferente kambionan bou di atenshon via e kanalnan di medionan sosial di Kámara di Komèrsio i den prensa.
Ampliashon di tarea i kompetensia den legislashon nobo i ròl di Kámara di Komèrsio durante krísis di Corona.
Ta amplia tareanan di Kámara di Komèrsio ku dunamentu di informashon i konseho na Minister di Asuntunan Ekonómiko i Klima (EZK), por ehèmpel komo sosten pa maneho ekonómiko di e ministerio. Banda di esei Kámara di Komèrsio ta keda responsabel pa Registro Komersial i pa dunamentu di konseho tokante empresariado.
Partikularmente durante e último dos aña di e pandemia di COVID-19 Kámara di Komèrsio a presentá su mes komo partner di kòmbersashon hopi balioso pa e Ministerionan di Asuntunan Ekonómiko i Klima i di Asuntunan Sosial i Empleo i Entidat Públiko Boneiru, pa medio di suprayá e importansia di medidanan di sosten relatá na COVID-19 pa empresarionan lokal i pa medio di duna asistensia na ehekushon di esakinan mediante di e lokèt di sosten ku a lanta e tempu ei.
Tarifanan
Entrante 2022 a base di e kambionan di lei e tarifanan pa e kontribushon anual ku kada organisashon ku ta registrá den Registro Komersial tin ku paga ta kambia. Ta relatá e tarifa na e forma hurídiko di e organisashon registrá (por ehèmpel negoshi propio – EZ, asosashon, BV). E idea básiko ta ku un promedio di e kantidat di trabou ku Kámara di Komèrsio tin pa kada tipo di forma hurídiko ta bira determinante pa e tarifa. Eksperensia ta mustra ku maneho di registrashon di un negoshi propio (EZ) ta eksigí evidentemente ménos trabou kompará ku un asosashon, fundashon, NV/BV etc. Pensa akí riba por ehèmpel kambio frekuente di direktiva, registrashon di kambio di gerensia i deklarashon di e personanan ku ta outorisá pa representashon.
E echo ku e sistema aktual kaminda e kontribushon aktual di e organisashonnan registrá ta keda determiná a base di haltura di e kapital propio tambe ta hunga un ròl den esaki. A resultá ku esaki ta funshoná ménos bon, ta duna inklaridat i kasi nunka e organisashonnan registrá no ta méldu kambionan obligatorio di esaki, di manera ku hopi organisashon registrá ta paga un kontribushon inkorekto.
Finalmente mester wak e adaptashonnan di tarifa den kuadro tambe di e echo ku durante mas ku 10 aña no a adaptá esakinan. E sumanan pa kada forma hurídiko ta formulá den e tabél akí bou:
Pa loke ta trata NV i BV for di 1 di yanüari ta hasi distinshon entre ‘grandi’ i ‘chikitu’ i esaki ta dependiente di e echo si a registrá mas ku 1 funshonario di e kompania.
Manera kustumber un tal kambio di struktura tin efekto diferente pa e diferente partidonan envolukrá o sea e diferente tiponan di registrashon. Pa hopi organisashon ku awor akí ta paga e tarifa mas abou (negoshi propio – EZ: mas ku 25% di e kantidat di registrashon) e tarifa ta baha di un promedio di $ 89 (basá riba nan kapital propio) pa $ 80.
E tarifa mas haltu ku un organisashon registrá lo mester paga ta baha di $ 600 pa $ 400. Pa un parti di e organisashonnan registrá e kambio di struktura ta nifiká un ahuste, sea ta supstansial òf nò, di e suma ku anualmente mester paga Kámara di Komèrsio.
Naturalmente Kámara di Komèrsio tin bista pa e echo ku esaki ta nifiká un oumento di gastu pa un sierto grupo di empresario, ku posibelmente nan no por paga den un solo biaha. Pa e motibu akí e maneho pa traha un sita tokante un areglo di pago pa e kontribushon anual ta keda na vigor despues di 1 di yanüari tambe.
Banda di esaki a ahustá tambe tur otro tarifa di produkto di servisio di Kámara di Komèrsio i a hasi nan mas komprendibel. Akí tambe ta konta ku esaki ta e promé ahuste for di mas ku 10 aña pasá.
E tarifanan akí entrante 2022 ta stipulá den e Registro komersial areglo finansiero BES 2002 (Financiële regeling handelsregister BES 2002 – stcrt-2021-23103) i nan ta lo siguiente:
Informashon mas aleu
Riba wèpsait di Kámara di Komèrsio tin un bista general di e konsekuensianan di e regulashon i legislashon nobo, FAQ i vários lenk pa bai na e legislashon i regulashon ku ta aplikabel.