Sep 24
Notisia

Uso Areglo di Emergensia SZW durante di ‘soft lockdown’

Hopi dunadó di trabou na Hulanda Karibense ta hasi uso di e areglo di emergensia di SZW pa gastunan di salario. Debí na e medidanan mas estrikto na Boneiru, vários empresa mester sera nan porta por kompleto awor i empleadonan por traha ménos ora ku a premirá. Dunadónan di trabou por informá unidat SZW di RCN di esaki òf di otro kambionan.

Informá tokante kambio

Dunadónan di trabou por usa e formulario di kambio riba e wèpsait di RCN. Pa un solisitut pa empleadonan ku no tabata kai anteriormente bou di e areglo, dunadónan di trabou por hasi uso di e formulario di aplikashon. Unidat SZW di RCN ta pidi dunadónan di trabou pa entregá e kambionan mas adelantá posibel i no despues. Un kalkulashon di e personal ku lo traha, ta sufisiente. Por inkluí ahustenan ku drenta promé ku 17 di òktober den e pago di fin di òktober. Si ta nesesario, ta ahustá e pago di òktober pa e luna di sèptèmber.

Aplikashon nobo

Dunadónan di trabou ku ainda no a hasi uso di e areglo di emergensia, pero ku awor tòch mester manda empleadonan kas, por hasi un aplikashon nobo. Esaki ta konta tambe pa empresarionan independiente ku mensualmente tin ménos entrada ku USD 761 (Boneiru), USD 919 (Sint Eustatius) òf USD 907 (Saba). Empleadonan ku no ta risibí prolongashon di nan kòntrakt debí na e medidanan di corona, por manda un solisitut nan mes pa ayudo temporal for di e areglo di emergensia.

Riba www.rijksdienstcn.com/covid-19 (bou di Pakete di Emergensia di Gobièrnu) por mira e formularionan di aplikashon i e kondishonnan pa kada grupo di enfoke. Empresarionan na Boneiru por drenta den kontakto ku Kámara di Komèrsio pa konseho via steunloket@KvKbonaire.com. Tokante di e prolongashon di e areglo, lo duna mas informashon mas pronto ku ta posibel