Webinar balioso di Successfully ‘Hasi bo organisashon resiliente kontra atake di siguridat’

Riba djamars 11 di novèmber 2025 Kámara di Komèrsio Boneiru, den kolaborashon ku Successfully, a organisá un webinar pa empresarionan di Boneiru. E seshon, titulá ‘Hasi bo organisashon resiliente kontra atake di siguridat’, a brinda e empresarionan konosementu balioso i vários tep práktiko pa hasi nan empresa mas resiliente posibel kontra atake sibernétiko.

Durante e seshon, ku tabata bou di guia di Roy Sandbergen, a para ketu na e menasanan di awendia ku empresarionan i organisashonnan na Boneiru i den Karibe Hulandes por keda konfrontá kuné. A papia tokante e aspektonan ku mester paga tinu riba dje, kua ta e formanan di atake sibernétiko ku ta eksistí i kon empresarionan por protehá nan mes mas mihó posibel kontra esaki.

Bo por wak e webinar akinan: https://www.youtube.com/watch?v=lRZuVOQDW18

Tópikonan ku a bini na vigor

• E tiponan di atake sibernétiko, tendensianan i menasanan: phishing, social engineering, ransomware, atake di ret i infrastruktura, atake di aplikashon i web, supply chain- & insider threats, AI-powered attacks, etc.
• Kon e atakenan akí ta tuma lugá: kon un hacker ta aserká bo organisashon i bo aparatonan
• Dikon siguridat sibernétiko ta asina importante i kua ta e pasonan ku abo komo organisashon mester tuma ora nan a hack bo
• Ehèmpel di desafionan i ‘quick wins’: kiko abo komo hende por hasi, riba kiko bo mester paga tinu, dikon atenshon ta krusial no opstante urgensia, i kon bo por evitá insidente
• Kiko bo por hasi komo organisashon: sòru pa maneho, aktualisashon i ‘log files’, i bo tin ku disponé di un plan di rekuperashon di desaster ku komunikashon klarito.

Ku satisfakshon Kámara di Komèrsio ta wak bèk riba e webinar i lo sigui hasi esfuerso pa organisá diferente seshon ku ta di balor agregá pa tur tipo di empresa i organisashon ku ta inskribí den Registro Komersial. Kámara di Komèrsio ta ekspresá su gratitut pa e orador di Successfully, Roy Sandbergen, pa su energia positivo i su aktitut profeshonal.

Bo ke keda na altura di e tayernan, kursonan òf proyektonan ku Kámara di Komèrsio i Industria Boneiru ta bai ofresé e aña akí? E ora ei nos ta invitá bo pa tene nos wèpsait i nos página di Facebook na bista.

Bo por tuma kontakto tambe ku Kámara di Komèrsio via 717 5595 òf manda un email na bis@kvkbonaire.com