Supsidionan i Areglonan na Hulanda Karibense 

Riba e página akí bo ta haña un bista general di e supsidionan i areglonan ku ta disponibel pa empresarionan na Hulanda Karibense. E areglonan akí ta sostené un variedat di desaroyo sosial, ekonómiko i inovativo.

Pensa riba areglonan pa empresarionan i pa inovashon, manera Starters International Business – SIB (sosten pa empresarionan ku ta pone nan promé pasonan riba nivel internashonal), Duurzame Energie- en klimaat Innovaties – DEI+  (inovashon sostenibel riba tereno di energia i klima), Demonstratieprojecten (proyektonan di demostrashon), Haalbaarheidsstudies en Investeringsvoorbereiding – DHI (estudio di faktibilidat i preparashon di invershon), Borgstelling MKB kredieten – BMKB (garantia di fiansa pa empresa chikí i mediano), Garantie Ondernemingsfinanciering – GO (garantia di finansiamentu pa empresa) i diferente otro, intenshoná pa empresarionan (ku ta kuminsando i ku ta kresiendo) ku ke internashonalisá, sostenibilisá òf ku ke desaroyá inovashon tékniko.

Den futuro lo aktualisá e página akí na momentu ku supsidionan i areglonan nobo i informashon relevante bira disponibel pa empresarionan na Hulanda Karibense. Di e manera aki semper bo ta keda na altura di posibilidatnan aktual pa fortifiká bo empresa i laga esaki sigui krese mas aleu.

Rijksdienst voor Ondernemend Nederland – RVO (Servisio di Reino pa Hulanda Empresarial)

Wèpsait: RVO
Eventonan | RVO.nl

RVO ta duna empresarionan sosten den kaso di inovashon i sostenibilisashon, tantu riba tereno nashonal i internashonal. Huntu nos ta traha pa logra ekonomia, energia, agrikultura i sistemanan alimentisio sostenibel. RVO ta traha awe riba e solushonnan di mañan.

—

Gabinete di Enviado Spesial | Union Oropeo, Nashonnan Uní i Desaroyo Ekonómiko na Amérika Latino i den Área Karibense

Wèpsait: Home | Cabinet Special Envoy

Gabinete di e Enviado Spesial pa Boneiru, Sint Eustatius i Saba ta komprometé su mes pa fortifikashon di e interesnan di Boneiru, Sint Eustatius i Saba (islanan BES) na Union Oropeo. Meta di esaki ta pa trese e islanan BES mas serka Oropa i pa sostené nan ora di hasi uso optimal di e fondonan optenibel di Union Oropeo. E gabinete ta yuda den esaki pa medio di entre otro konektá proposishonnan di proyekto na e fondonan horizontal adekuá di Union Oropeo.

Banda di esaki e gabinete ta promové e kolaborashon ku Nashonnan Uní, di manera ku e islanan ta haña akseso na konosementu i rekursonan pa atendé ku retonan manera kambio di klima, pobresa i kuido di salú.

Tambe e gabinete ta sostené e islanan BES na momentu di hasi uso di oportunidatnan ekonómiko na Amérika Latino i den Área Karibense, entre otro pa medio di atraé invershonista i amplia posibilidatnan komersial. Den esaki e enfoke ta riba paisnan i regionnan manera Colombia, Panama, Repúblika Dominikana, Sürnam, Trinidad i Tobago i Miami.