Boneiru tin hopi aktividat komersial i tur aña empresa- i instansianan aktivo ta krese ku algun sentenar. Pa motibu di elementonan fiskal favorabel (0% impuesto riba ganashi) nos isla ta atraé hopi empresa ku ta ofresé nan servisionan for di Boneiru.

Turismo 

Ekonomia di Boneiru ta dirigí na promé lugá riba turismo. Hopi empresa tin direktamente òf indirektamente di haber ku e bishitantenan di nos isla. Sektor turístiko ta enserá prinsipalmente hotèl i otro akomodashonnan pa bishitante, restorant (di kalidat hopi haltu) i bar (chikitu). Banda di esei e merkado pa ekskurshon, rekorido riba nos isla i eventonan riba i bou di awa ta kresiendo bárbaramente. E bunita bida bou di laman ta hasi ku ta un fiesta pa sambuyadónan i hendenan ku ta snòrkel i praktiká otro deportenan akuátiko. P’esei bo ta mira tambe ku e kantidat di empresa ku ta dirigí su mes riba e bishitantenan aki ta kresiendo. No pa nada nos isla tin e konsepto ‘divers paradise’ komo lema den uso.

Banda di e kantidat grandi di bishitante ku ta yega Boneiru (tantu ‘stayover’ komo turista di barku krusero), un parti chikitu di nos ekonomia ta dirigí riba produkshon di salu. Na parti sùit di nos isla e empresa internashonal Cargill tin saliñanan grandi kaminda ta produsí salu. E salu aki ta prinsipalmente destiná pa finnan industrial i barkunan grandi ta transportá nos salu pa eksterior. Pero aki tambe bo ta mira inisiativa lokal, manera por ehèmpel ‘Saltman’ ku ta hasi tur sorto di kos ku salu.

Sektor di servisio 

Banda di turismo sektor di servisio ta un otro indústria grandi. Aki tambe sostenibilidat i indústria limpi ta bini na promé lugá. Nada di fábrika grandi òf haf di konteiner gigantesko, pero prinsipalmente empresa chikitu i mediano kaminda empresa chikitu i mikro ta mas tantu. Hopi di e empresanan den sektor di servisio tin direktamente òf indirektamente di haber ku sektor turístiko.

Agrikultura

Komo e di tres pilá hopi aña pasá gobièrnu a skohe pa bai desaroyá agrikultura tambe. Den futuro e pilá aki por kondusí na un sektor stabil, sigur si apliká téknikanan nobo manera Hidroponics. Komo resultado di esaki un parti grandi di importashon di produkto manera bèrdura i fruta lo no ta nesesario mas. I esaki na su turno lo tin efekto faborabel riba un biaha mas e sektor turístiko.

Hasi negoshi na Boneiru

O tuma kontakto ku nos