Bo ke sa mas di impuestonan? Inskribi bo mes pa e seshonan di informashon!
For di e resultadonan di e enkuesta ku Kámara di Komèrsio Boneiru a publiká resientemente, a resultá ku empresarionan na Boneiru gustosamente lo ke risibí mas sosten i informashon ora ta trata di asuntunan fiskal. Pa duna oído na esaki, den koperashon ku ‘HBN Law & Tax – Bonaire’, Kámara di Komèrsio ta bai organisá vários seshon di informashon, kaminda lo papia tokante diferente aspekto relevante di impuesto.
Djabièrnè, 24 di mei 2024, den oranan di mainta (10’or -11’or ) lo tin un seshon EXTRA tokante e diferente imposishonnan di impuesto riba ganashi i rendimentu. E seshon akí ta prinsipalmente interesante pa empresanan unipersonal (eenmanszaken – EZ) i freelancernan.
Finalmente riba djabièrnè 24 di mei 2024, lo tin un seshon EXTRA den oranan di merdia (2’or -3.30’or) tokante e imposishonnan di impuesto riba entrada. E seshon akí ta prinsipalmente interesante pa kompanianan (nv/bv) i direktor-akshonistanan.
Tambe, djaweps 23 di mei 2024 (2’or-3.30’or) lo tini un Seshon EXTRA tokante impuesto indirekto pa empresarionan i kompanianan-nv/bv (impuesto riba salario i ABB), ku adishonalmente algun punto di atenshon di e derecho di impuesto formal.
Idioma: Hulandes (splikashon na papiamentu)
Sitio: Kámara di Komèrsio, Kaya Amsterdam 23