Djòin e mishon komersial pa Colombia for di 11 te ku 13 di yüni 2024

Atenshon, lidernan empresarial!
Bo ta kla pa probechá di oportunidatnan nobo i amplia bo horizonte komersial? Djòin nos den un mishon komersial úniko ku enfoke riba promoshon di e kolaborashon entre Colombia i e islanan BES (Boneiru, St. Eustatius i Saba).

Kordialmente nos ta yama bo bon biní pa partisipá na e promé mishon komersial di e islanan BES pa Bogotá, Colombia, ku lo tuma lugá for di 11 te ku 13 di yüni 2024. Registrashon ta habrí te ku 10 di mei.

Registrá pa e mishon akí, yena e formulario akí bou:
https://share.hsforms.com/1B-u-pL-nSECRTpAjtGiPMw4w6nv

Gastu di e mishon komersial: tur gastu organisatorio ta kubrí. Danki na e sosten generoso di e enviado spesial di e islanan BES pa Union Oropeo, pa Nashonnan Uni i pa desaroyo ekonómiko ku Latinoamérika, e partisipantenan tin ku kubri solamente e gastunan pa nan biahe, nan akomodashon, nan kuminda i nan transporte na tera.

Organisá di parti di e enviado spesial di e islanan BES pa Union Oropeo, pa Nashonnan Uni i pa desaroyo ekonómiko ku Latinoamérika den kolaborashon ku Kámara di Komèrsio i Industria Boneiru, Kámara di Komèrsio i Industria di St Eustatius i Saba, i Holland House Colombia, esaki ta un oportunidat ku bo no ke pèrdè.

Ken tin ku djòin?
E mishon komersial lo tin un enfoke spesial riba desaroyo ekonómiko sostenibel entre Colombia i e islanan BES, dirigí riba tantu eksportashon komo importashon, den sektornan manera turismo, gastronomia, siguridat di kuminda, agrikultura, enseñansa i kapasitashon, ICT, Business Process Outsourcing, merkadeo digital, konstrukshon i komèrsio por mayor en general.

Dikon bo mester ta presente?

• Tur gastu organisatorio ta kubrí: Danki na e sosten generoso di e enviado spesial di e islanan BES pa Union Oropeo, pa Nashonnan Uni i pa desaroyo ekonómiko ku Latinoamérika, e partisipantenan tin ku kubri solamente e gastunan pa nan biahe, nan akomodashon, nan kuminda i nan transporte na tera.
• Deskubrí merkadonan kukrativo: Colombia, un di e ekonomianan di Latinoamérika ku e kresementu di mas rápido, ta ofresé un merkado vibrante ku mas di 50 mion konsumidó i un klase medio ku ta kresiendo rápidamente.
• Trabou di ret stratégiko: establesé relashonnan balioso i interkambiá di konosementu ku lidernan di industria for di tantu Colombia komo e islanan BES.

Programa:

• Direct Business Matchmaking: Danki na e ret amplio di Holland House Colombia bo por drenta den kontakto ku e stakeholdernan di mas importante i potensial klientenan via seshonnan di B2B matchmaking hinká den otro na midí. Ta organisá enkuentronan personalisá ku partnernan relevante na Bogotá, òf si bo ta deseá esaki i/òf si esaki ta nesesario na otro siudatnan na Colombia tambe.
• Bríndis durante trabou di ret: profundisá bo ret i relashonnan eksistente ku un beter den man. E tim organisatorio ta organisá ‘bríndis durante trabou di ret’.
• Rekorido di parti di Holland House Colombia: Sera konosí ku e posibilidatnan ku trahamentu ku Holland House Colombia por ofresé bo.

No pèrdè e oportunidat úniko akí pa eksplorá rutanan nobo pa kresementu i kolaborashon!
Pa registrá pa e mishon akí, bo tin ku yena e formulario akí bou promé ku 10 di mei:
https://share.hsforms.com/1B-u-pL-nSECRTpAjtGiPMw4w6nv

Pa mas informashon i registrashon bo por tuma kontakto ku:

Holland House Colombia
Wessel Mol
proyectos2@hollandhouse-colombia.com,

Kámara di Komèrsio i Industria Boneiru
John Bijkerk
register@kvkbonaire.com

Chamber of Commerce & Industry of St. Eustatius & Saba
Ebelene (Ebbie) Schmidt Hinds, President – Board of the Chamber of Commerce & Industry of St. Eustatius & Saba
statia@statiasabachamber.com
statiadiscovery@yahoo.com