Elekshon pa miembro di direktiva di Kámara di Komèrsio i Industria Boneiru

Riba djabièrnè 11 di desèmber 2020, entre 9.00 i 12.00 or, e votashon lo tuma lugá pa yena e vakatura pa e kategoria di Empresa Chikí. Na e okashon ei Komishon Elektoral ta tene seshon den edifisio di Kámara di Komèrsio na Kaya Amsterdam 23.

E kandidatonan aki pa e kategoria di Empresa Chikí ta:
– señor Jeaniro Balentien
– señor Robert van den Berge

Kámara di Komèrsio ta hasi un yamada na tur persona ku derecho di voto pa Empresa Chikí pa partisipá na e votashon. E aña aki lo manda e karchi di vota via imeil na e imeil di negoshi ku ta registrá den Registro Komersial. Si e adrès di imeil ku ta konosí na Kámara di Komèrsio no ta aktualisá, e ora ei nos ta supliká bo pa mèldu esaki mas pronto posibel via handelsregister@kvkbonaire.com. Si akaso no a registra un imeil na Kámara di Komèrsio lo laga entrega e karchi di vota via pòst.