Sentro pa Empresariado – ‘The Next Step’ – ‘E Siguiente Paso’

‘The Next step’ |

Despues di un inisio eksitoso di e programa kaminda e enfoke tabata riba dunamentu di sosten na empresarionan ku ta kuminsando, awor nos ta bai amplia e programa pa medio di ofresé sosten na empresarionan avansá/establesé kaba ku ke pone ‘The Next Step – E Siguiente Paso’ riba tereno di nan entrada, nan fail ku informashon di kliente òf nan kantidat di personal. Na komienso e partisipantenan ta kontestá algun pregunta pa determiná na unda nan tabata pará promé, na unda nan ta pará awor akí i na unda nan ke bai. Pa por determiná puntonan problemátiko òf oportunidatnan, ta importante pa nan analisá nan merkado i nan posishon riba merkado bon.

Kick-Off |

Pa ranka sali ku e programa, riba djabierne 27 di yüni 2025 Kámara di Komèrsio ta bai organisá un ‘kick-off’, kaminda nos ta inspirá i motivá e empresarionan ku dos charla. E promé charla, ‘Impact of AI and Robotics on the Essentials of Product & Market Development’ lo ta na enkargo di señor Evert Blijenberg. E lo trata entre otro ‘value (what is value and why it’s needed), knowing your clients and what you deliver.’ Miles Mercera durante su charla ‘Next-Level Growth: From Passion to Purpose to Profit’ lo inspirá e empresarionan ku su vishon riba kresementu i konosementu di e merkado lokal.

Registrashon |

Pa registrá nos ta supliká bo pa yena nos lista di pregunta via e lenk akí bou. Asina ku nos risibí bo registrashon, nos lo tuma kontakto pa konfirmá e registrashon, òf pa hasi algun pregunta adishonal.

Lenk pa registrashon: https://forms.office.com/e/fQWicGmViy