Seshon di informashon oumento di sueldo mínimo legal i Helpdesk WML
Dia 11 i 13 di yüni Kámara di Komèrsio Boneiru, den kolaborashon ku e unidat di Asuntunan Sosial i Empleo di RCN i Entidat Públiko Boneiru, ta organisá algun seshon di informashon pa dunadónan di trabou tokante subida di sueldo mínimo legal entrante 1 di yüli 2024. Durante e seshonnan di informashon akí nan ta lansa Helpdesk WML (un servisio di ayudo tokante sueldo mínimo legal) i un hèrmènt di kalkulashon pa dunadónan di trabou.
Relashoná ku e akuerdo di kolaborashon ku Entidat Públiko Boneiru i Kámara di Komèrsio i Industria Boneiru a firma, a palabrá pa krea un ‘Helpdesk WML’ pa duna sosten na empresarionan.
Meta di esaki ta pa brinda empresarionan mas konosementu tokante e posibel konsekuensianan di e oumento di sueldo mínimo legal riba nan operashon empresarial. Di e manera akí e empresarionan por tuma medida adekuá na tempu pa loke ta trata nan operashon empresarial, sin ku esaki ta kondusí na oumentu eksesivo di preis.
Pa kuminsá, Kámara di Komèrsio i Industria Boneiru, den kolaborashon ku e unidat di Asuntunan Sosial i Empleo di RCN i Entidat Públiko Boneiru, e luna akí ta organisá e siguiente seshonnan di informashon, kaminda lo papia tokante oumento di e sueldo mínimo legal entrante 1 di yüli 2024. Kua ta e impakto ku esaki tin riba bo organisashon, kiko bo tin ku kumpli kuné i kon, pa medio di un hèrmènt di kalkulashon, bo por mira kua ta e impakto ku e oumento akí lo tin riba bo organisashon? Empresarionan por registrá grátis pa un seshon di informashon.
Despues di esaki, pa e empresarionan ku ta haña ku ta nesesario pa nan haña splikashon mas profundo di e hèrmènt di kalkulashon, lo tin e posibilidat pa via seshonnan individual haña sosten mas intensivo.
Seshonnan di informashon:
Djamars 11 di yüni 2024 | 10:00 – 11:00 un seshon na papiamentu i spañó
Djamars 11 di yüni 2024 | 18:00 – 19:00 un seshon na hulandes i ingles
Djaweps 13 di yüni 2024 | 10:00 – 11:00 un seshon na hulandes i ingles
Djaweps 13 di yüni 2024 | 18:00 – 19:00 un seshon na papiamentu i spañó
Sitio: Kámara di Komèrsio, Kaya Amsterdam 23