Adaptashon den e servisio di Kámara di Komèrsio Boneiru

Kámara di Komèrsio ta haña alkansabilidat i aksesibilidat importante. Pero salú di nos empleadonan i nos klientenan tambe ta di sumo importansia. Pa e motibu aki Covid – 19 (vírùs di corona) ta hasi pa nos tambe nesesario pa hasi adaptashon den e servisio ku nos ta duna.

Aki ta trata partikularmente di nos servisionan mas komun, petishon pa ekstrakto (uittreksel), inskripshon di empresa i mèldu kambio. Lesa mas tokante di esaki aki bou.

Petishon pa ekstrakto (uittreksel)

Si bo ke pidi nos un ekstrakto (uittreksel), manda nos un imeil na klantenserice@kvkbonaire.com. Menshoná den bo imeil bon kla nòmber (komersial) kompleto di bo empresa “KvK-nummer” pa kua bo ke pidi un ekstrakto (uittreksel). Bo ta haña un konfirmashon di nos ku nos a risibí bo petsishon. Nos ta supliká bo pa paga via banko riba number di kuenta 102.822.07 di MCB òf 84000000.23.06.2712 di RBC. Si bo manda bo komprobante di pago bèk pa nos, nos ta prepará e ekstrakto (uittreksel) pa bo. Bo ta haña un mensahe tokante fecha i ora ku bo por pasa buska e ekstrakto (uittreksel).

Inskripshon di empresa

Nos ta supliká bo pa posponé inskripshon di empresa nobo un ratu si esei ta posibel. Si posponementu realmente no ta posibel i bo ke inskribí un empresa nobo, e ora ei por regla esei pa medio di imeil tambe. Manda nos un imeil ku e petishon pa inskripshon. Promé bo mes mester download* e formulario korekto pa inskripshon for di nos wèpsait: https://bonairechamber.com/downloads/. Seguidamente nos ta supliká pa manda e formulario yená huntu ku e dokumentonan relevante pa nos na: klantenservice@kvkbonaire.com.    Despues ku nos risibí e formularionan aki nos ta tuma kontakto ku bo riba e number di telefon ku ta registrá na Kámara di Komèrsio pa verifiká e informashon. Despues di verifikashon nos ta prosesá e inskripshon dentro di 5 dia di trabou, si tur e informashonnan entregá ta kompleto.

Mèldu kambio

Si bo ke mèldu un kambio den bo inskripshon, bo por hasi esei pa medio di imeil tambe. Bo mes por download* e formulario korekto pa hasi kambio for di nos wèpsait:    https://bonairechamber.com/downloads/. Seguidamente nos ta supliká bo pa manda e formulario yená huntu ku e dokumentonan relevante pa nos na: klantenservice@kvkbonaire.com. Despues ku nos risibí e formularionan aki nos ta tuma kontakto ku bo riba e number k uta registrá na Kámara di Komèrsio pa verifiká e kambionan. Si esei no logra nos lo verifiká e kambio na un otro manera. Despues di verifikashon nos ta prosesá e kambionan dentro di 3 dia di trabou, si tur e informashonnan entregá ta kompleto.

Pago di e kontribushon anual

Nos ta supliká bo pa paga e kontribushon anual via banko riba number di kuenta 102.822.07 di MCB òf number di kuenta 84000000 23.06.271 di RBC i menshoná e number di faktura òf “KvK-nummer”. Nos ta supliká bo pa manda nos bo komprobante di pago via imeil na administratie@kvkbonaire.com.

* bo no sa kua formulario bo mester pa loke bo tin di hasi. Esei por pasa naturalmente. Yama nos òf manda nos un imeil i gustosamente nos lo yuda bo ku esei!

Kámara di Komèrsio ta habri solamente ku sita for di djaluna te djaweps di 8.00-12.00/13.00-16.00 i riba djabièrnè di 8.00 te 16.00. E eventual dokumentonan tambe ta entregá después di traha sita. Na momento di traha sita nos lo hasi pregunta adishonal pa mira si no por regla e asuntu sin laga un sita físiko tuma lugá.

Si dentro di 24 ora bo no haña un reakshon di nos riba bo imeil, sea asina bon di tuma kontakto telefóniko ku nos riba 717-5595, ekstenshon 5008. Gustosamente nos ta papia ku bo!

E adaptashonnan temporal aki den e servisionan ku nos ta duna ta bini na vigor entrante 19 di mart 2020 i ta dura tanten ku esaki ta nesesario.

Kontakto

Un biaha mas nos informashonnan di kontakto tras di otro pa bo:

• Tel: +599 717-5595
• Servisio pa kliente: klantenservice@kvkbonaire.com
• Konseho pa empresarionan ku ta (bai) kuminsá: Bis@kvkbonaire.com
• Administrashon: administratie@kvkbonaire.com
• Orario: djaluna te ku djaweps di 08:00 -12.00 i 13.00-16.00  (solamente ku sita!)

Djabièrnè di 08:00 – 16:00 (solamente ku sita!)