KAMARA DI KOMERSIO KU TAYER SUMAMENTE EKSITOSO

Dia 1 di febrüari Kámara di Komèrsio a tene e tayer pa mènedjer i hefe titulá ‘Make your business unshakable in 2023’ (Sòru pa bo negoshi no tambaliá den 2023) pa no ménos ku 45 interesado. Den e tayer ku tabata na enkargo di Ki Connect e partisipantenan a haña diferente hèrmènt pa identifiká nan kalidatnan komo lider resiliente. Nan por sinkronisá esakinan ku e metanan di nan empresa i hasiendo asina nan por duna nan empresa energia nobo.

Huntu ku e treinernan e partisipantenan a traha riba nan propio ‘growth book’, esta un plan di akshon pa kresementu. Tópikonan manera ‘Purposeful Hierarchy (herarkia ku propósito) i ‘Flow Anchers’ (rekonosé bo propio emoshonnan) a bini dilanti. Ta trata di hèrmèntnan hopi útil ku ta direktamente aplikabel. E reakshonnan entusiasmá di e partisipantenan i e apresio ku nan a mustra pa e treinernan ta un indikashon ku un tipo di tayer asina sigur ta bale la pena pa ripití.

Kámara di Komèrsio ta sumamente satisfecho tokante e enkuentro akí i lo sigui hasi esfuerso pa organisá seshonnan ku ta di balor agregá pa tur tipo di empresa i organisashon ku ta inskribí den Registro Komersial. Pa e motibu akí Kámara di Komèrsio ta ekspresá su gratitut pa e treinernan di Ki Connect, Mingli Chung i Miyannou Winklaar, pa nan entusiasmo i profeshonalidat ekselente.

Bo ke keda na altura di ki tipo di tayer, kurso òf proyekto Kámara di Komèrsio i Industria Boneiru ta bai ofresé e aña akí? E ora ei nos ta invitá bo pa tene nos wèpsait i nos página di Facebook na bista.

Bo por tuma kontakto tambe ku Kámara di Komèrsio na 717 – 5595 òf manda un email na bis@kvkbonaire.com.