ENKUESTA PA EMPRESARIO TOKANTE COVID-19

Ku e lista di pregunta kòrtiku aki, nos – Kámara di Komèrsio Boneiru – ke haña un bista di e impakto aktual ku e krísis di corona tin riba bo empresa. Banda di esei intenshon di e enkuesta aki ta pa verifiká si e medidanan di sosten ku a tuma anteriormente ta adekuá pa empresanan na Boneiru. Lo usa e informashonnan pa indiká bon argumentá na unda mester adaptá e areglonan nobo pa hasi nan mas efektivo pa mundu empresarial di Boneiru.

Nos ta bai kompartí e resultadonan i konosementu ku nos optené di e inventarisashon aki riba wèpsait di Kámara di Komèrsio Boneiru. Naturalmente nos lo anda na un manera konfidensial ku bo informashonnan i e kontestanan lo no por ser konektá ku bo empresa. Komo Kámara di Komèrsio Boneiru nos ta keda hasi nos bèst pa den e simannan i lunanan binidero suministrá bo empresa ku informashon i konseho.

E intenshon ta pa yena e enkuesta durante un siman for di djaluna 14 di sèptèmber te ku djaluna 21 di sèptèmber 2020. Yenamentu di e enkuesta ta tuma entre 5 i 10 minüt di bo tempu. Si bo tin mas ku un empresa, bo por ta asina amabel pa yena e enkuesta aki apart pa kada empresa?