May 12
Notisia

Gustosamente Kámara di Komèrsio ke mira bo bèk

Orario normal
For di djabièrnè 14 di mei 2021 Kámara di Komèrsio lo ta habrí atrobe na e oranan di kustumber. Durante dianan di trabou Kámara di Komèrsio ta habrí e ora ei for di 8:00 te 12:00 or i for di 13:00 te 16:00 or pa risibí kliente. Riba djabièrnè Kámara di Komèrsio ta habrí for di 8:00 te 16:00 or. Nos ta konsehá bo pa mas tantu posibel hasi uso di e posibilidatnan pa aserká nos via email, di manera ku bishitanan físiko ta keda limitá.

Medidanan di COVID-19
Kámara di Komèrsio ta pèrmití maksimalmente 5 kliente na mes momentu den su sala na entrada, mester desinfektá man i mester mantené un distansia di minimalmente 1,5 meter for di otronan. Banda di esei bisti un tapaboka tambe ta obligatorio ainda. Alabes nos ta supliká bo pa den kuadro di higiena paga mas tantu posibel ku bo karchi di banko òf ‘online’.

Nos servisionan
Awor akí e servisio di Kámara di Komèrsio pa hasi petishon pa un ekstrakto (uittreksel), inskripshon di un empresa òf mèldumentu di kambio tambe por tuma lugá físikamente atrobe na Kámara di Komèrsio. Naturalmente bo por paga e kontribushon anual tambe ku ainda ta pará habrí. Dia 17 di mei nos ta manda rekordatorio pa e kontribushon aki. Bo por hasi esaki tambe pa medio di depositá e suma riba nos kuenta. Nos ta supliká bo pa hasi pago di e kontribushon anual via banko na MCB number di kuenta 102.822.07 òf na RBC number di kuenta 8400000023.06.2712 i hasi menshon di bo number di faktura òf bo number di Kámara di Komèrsio. Nos ta supliká bo pa manda nos e komprobante di pago via email na administratie@kvkbonaire.com.

Nos ta kontentu ku entrante 14 di mei 2021 nos por brinda bo nos servisio kompleto atrobe!

Kontakto
Esaki ta nos informashonnan di kontakto un tras di otro:

Orario: djaluna te ku djaweps di 8:00 te 12:00 or i di 13:00 te 16:00 or i riba djabièrnè di  8.00 te 16.00 or.