INVITASHON pa Elekshon di Direktiva di Kámara di Komèrsio Boneiru dia 12 di desèmber 2025
E Komishon di Elekshon ta deklará ku, a base di artíkulo 12 di e Dekreto Elektoral pa Kámaranan di Komèrsio i Industria BES, e siguiente kandidatonan ta elegibel pa okupá e puestonan ku ta habrí den direktiva di Kámara di Komèrsio i Industria Boneiru, i ta stipulá ku 9 kandidato ta elegibel pa 5 puesto ku ta disponibel den direktiva di Kámara di Komèrsio, i esakinan ta:
- Balentien, J.G. (Jeaniro)
- Choudry, G.G. (Ghulam)
- Diaz, E.J.A. (Judy)
- Domacassé, L.U.G. (Leonard)
- Els, C.J. (Hans)
- Giskus, R.R. (Reuben)
- Hart, G.G.M. (Giovannie)
- Martie, O.A. (Otty)
- Westerhoff, M. (Marcel)
Konforme artíkulo 13 insiso 4 di e Dekreto Elektoral pa Kámaranan di Komèrsio i Industria BES, pa medio di esaki e Komishon Elektoral ta anunsiá, ku awor ku e kantidat di kandidato ta mas grandi ku e kantidat di puesto den direktiva ku mester yena, un votashon lo tuma lugá.
Na nòmber di Presidente di Kámara di Komèrsio pa medio di esaki nos ta anunsiá ku e votashon ta tuma lugá riba djabièrnè 12 di desèmber 2025, for di 09:00 or te 13:00 or, na Kámara di Komèrsio Boneiru.
- Konforme artíkulo 2 di e Dekreto Elektoral pa Kámaranan di Komèrsio i Industria BES, pa medio di esaki nos ta invitá representantenan di empresanan i personanan hurídiko ku derecho di voto, ku eksepshon di asosiashonnan i fundashonnan, pa depositá nan voto.
- E votadónan tin ku mustra un prueba bálido di identidat, manera indiká den artíkulo 2 di e Lei di Obligashon di Identifikashon BES, serka presidente di e komishon elektoral, kende ta konfirmá nan identidat.
- Depositá voto pa medio di apoderashon (vólmagt) no ta posibel.