Kon bo por registrá bo empresa den un forma rápido i fásil

Si bo ke desplegá aktividatnan komersial na Boneiru, dentro di 7 dia despues ku bo a kuminsá ku bo aktividatnan komersial bo tin ku registrá bo empresa den Registro Komersial.  

Pa registrá bo empresa den Registro Komersial no ta difísil, pero e ta eksigí algu di bo tempu i atenshon sí. Pa registrá bo mes eksitosamente bo tin ku kumpli ku algun eksigensia legal. E promé paso den e proseso akí ta trata di trahamentu di un account (wak nos pòst anterior).  

Pa registrá un kompania propio (EZ), klek akinan pa bai na e formulario di registrashon online. Despues di e registrashon i pago online, bo tin ku bai Kámara di Komèrsio di Boneiru pa verifiká bo identidat. Si bo no ta haña agradabel pa registrá bo empresa online, e ora ei bo por yena e formulario akí tambe (bonairechamber.com) i entreg’é personalmente na Kámara di Komèrsio pa e prosesamentu mas aleu.