Kontribushon for di EZK (pa montante redusi $2.200) tambe pa negoshinan ku menos gastu fiho!

Empresarionan afektá pa e medidanan den konekshon ku vírùs di corona i ku tin gastunan fiho total ku ta menos ku e montante di $4.400 (rekerÍ por kualifika  pa e kompensashon anterior), por bini na remarke for di awe pa un kompensashon di un biaha  $ 2.200 di Ministerio di Asuntunan  Ekonómiko i Klima.

E kompensashon ta intenshoná pa empresarionan ku ta aktivo na Boneiru, Saba òf Sint Eustatius ku ta antisipá pèrdida di benta di minimo $ 2.200 den e periodo di 13 di mart 2020 te ku 12 di yüni 2020, miéntras nan gastunan fiho ta mínimo $ 2.200 durante e mesun periodo. Bou di gastunan fiho ta kai por ehèmpel gastunan di e edifisio di negoshi, seguro i finansiamentu. Impuesto, primanan di dunadó di trabou i gastunan laboral no ta konta komo gastu fiho..

E unidat SZW di RCN ta bai ehekutá e areglo aki. Ta posibel pa bini na remarke pa tantu e areglo di emergensia di SZW komo pa e kompensashon di EZK.

E kondishonnan i formularionan di aplikashon pa e kompensashon aki ta disponibel riba https://www.rijksdienstcn.com/covid-19/documenten/formulieren/sociale-zaken/aanvraag-noodregeling/regeling-ezk/aanvraagformulier-ezk-2200. Por entrega formularionan kompletamente yená i firmá te ku mas tardá 12 di yüli 2020 via di e e-mail tegemoetkomingEZK@rijksdienstcn.com .

Pa ayudo ku aplikashon por tuma kontakto via di telefòn ku unidat SZW di RCN via 781-5558 (Boneiru) òf 319 5693 (Sint Eustatius i Saba). Empresarionan na Boneiru ku mester informashon tokante e KONTRIBUSHON FOR DI EZK  (pa montante redusi $2.200) por manda un meil na steunloket@kvkbonaire.com.