Kontrolá si Kámara di Komèrsio tin bo emailadrès korekto

Dentro di poko nos ta bai manda un email ku informashon tokante kon dirigentenan di organisashonnan ku ta registrá den Registro Komersial por risibí e ‘access code’ (Kódigo di akseso), ku kua digitalmente nan por manehá nan informashonnan den Registro Komersial online nobo. Pa e motibu akí nos a manda un email na tur emailadrès konosí pa pidi pa kontrolá si e informashonnan den e Registro Komersial online aktual ta korekto i kompleto. (Doorzoek register – KvK Bonaire (bonairechamber.com).

Si bo ta un empresario i bo no ta risibí email di Kámara di Komèrsio tokante e tópiko akí, por fabor laga nos sa esei via handelsregister@kvkbonaire.com. Nota bo nòmber, e number di Kámara di Komèrsio i nòmber di e organisashon di kua bo ta dirigente i via kua emailadrès bo ta alkansabel.

Si bo no ta empresario i bo no tin emailadrès, bo por pasa na Kámara di Komèrsio di manera ku nos por solushoná esaki konhuntamente.