Legislashon nobo IAB BES a drenta na vigor | Mihó protekshon di nos naturalesa i medio ambiente

Legislashon nobo IAB BES a drenta na vigor | Mihó protekshon di nos naturalesa i medio ambiente
Dia 1 di aprel último e legislashon nobo IAB BES (Dekreto di Establesimentu i Aktividat BES) a drenta na vigor. E meta prinsipal di e legislashon nobo akí ta mihó protekshon di naturalesa i medio ambiente na Boneiru. Pa mas informashon nos ta referí na wèpsait di Entidat Públiko Boneiru https://bonairegov.com/pa/nieuwsoverzicht/artikel/legislashon-nobo-iab-bes-a-drenta-na-vigor

Punto di Informashon Medio Ambiente pa tur bo informashon tokante e legislashon nobo
E ‘Punto di Informashon Medio Ambiente’ ta un kolaborashon entre Entidat Públiko Boneiru, ministerio di Infrastruktura i Maneho di Awa i Kámara di Komèrsio Boneiru i e ta establesé den edifisio di Kámara di Komèrsio Boneiru. E Punto di Informashon Medio Ambiente ta anhelá pa duna sosten na empresarionan i pa proveé nan ku informashon tokante e legislashon IAB BES. Esaki lo tuma lugá pa medio di e lokèt di informashon, seshonnan di informashon i un instrumento ku ta den preparashon pa mesora duna bo un bista den kua tipo di sektor bo organisashon ta kai i kiko bo tin ku hasi pa kumpli ku e lei nobo.

E lokèt di e Punto di Informashon Medio Ambiente ta disponibel pa pregunta di empresanan individual. Mas aleu lo anunsiá tur informashon via e kanalnan di informashon di Kámara di Komèrsio.

E Punto di Informashon Medio Ambiente ta establesé den hal di Kámara di Komèrsio Boneiru na Kaya Amsterdam 23 i e ta habrí tur dia for di 08:00 or te 12:00 or. Pa informashon amplio bo por konsultá e wèpsait www.infomilcn.com.