Lista temporal pa votadó pa empresa CHIKI i tambe empresa GRANDI

A base di e Desishon Elektoral pa Kámaranan di Komèrsio BES tur aña tin elekshon pa un òf mas posishon den direktiva di Kámara di Komèrsio Boneiru. Tur hende ku ta inskribí den registro komersial di Boneiru ku un empresa aktivo por vota komo persona ku derecho di voto.

Pa medio di e aviso aki Kámara di Komèrsio ta partisipá ku ta publiká e lista di votadó pa aña 2021 riba e wèpsait www.bonairechamber.com i korant. Pa motibu di privasidat no ta publiká e vershon digital di e lista den su totalidat mas, pero solamente nòmber i fam di e persona ku derecho di voto. E vershon kompletu i ámplio ta disponibel pa tur hende mira na bali di Kámara di Komèrsio na Kaya Amsterdam 23 na Boneiru.

Te ku 15 di ougùstùs 2021 kada persona ku ta aparesé den registro komersial na Kámara di Komèrsio por pidi korekshon di e lista a base di e echo ku e mes òf un otro persona den un forma ku ta kontra lei ta aparesé, no ta aparesé òf no ta aparesé adekuadamente riba e lista aki. Despues di 15 di ougùstùs no ta posibel mas pa hasi petishon pa kambio manera deskribí aki riba.

Si bo ke risibí mas informashon bo por tuma kontakto ku Kámara di Komèrsio pa medio di imeil: handelsregister@kvkbonaire.com òf telefónikamente na number di telefon: 717-5595.

Lista temporal pa votadó pa empresa CHIKI i tambe empresa GRANDI, tur ku ta inskribí den registro di Kamara di Komèrsio i ku ta kumpli ku e rekesitonsan di derecho di voto konforme artikulo art. 3 van de Wet op de Kamers van Koophandel en Nijverheid BES, balido pa aña 2021 pa Kamara di Komèrsio Boneiu.