Si bo ke kuminsá komo empresario na Boneiru, e ora ei bo tin ku registrá bo empresa den registro komersial. Bo ke sa mas tokante e registro komersial? Download e dokumento ‘E preguntanan mas tantu hasí tokante e registro komersial’.

No ta difísil pa registrá bo empresa den registro komersial, pero sí e ta eksigí un poko atenshon i tempu di bo. Bo tin ku kumpli ku algun eksigensia legal pa yega na un registrashon eksitoso. Por realisá e registrashon pa medio di krea un ‘login’ ku un ‘password’ korespondiente i yena bo informashonnan digitalmente den sistema di registro komersial di Kámara di Komèrsio. Notario na Boneiru na registrá personanan hurídiko den registro komersial di Kámara di Komèrsio. Pa e motibu akí pa tal registrashon bo por akudí serka un di e notarionan na Boneiru.

Pa registrashon di un negoshi propio (EZ) bo por klik AKÍ pa bai na e formulario di registrashon digital. Despues di bo registrashon digital i despues di a hasi e pago, bo por pasa na Kámara di Komèrsio pa laga verifiká bo identidat.

Den kaso ku bo no tin un kòmpiuter i skèner na kas, bo por pasa na Kámara di Komèrsio pa yena bo informashonnan den nos ‘Kiosko Digital’. Na e momentu ei empleadonan di Kámara di Komèrsio gustosamente ta dispuesto pa duna bo asistensia ku yenamentu online di bo informashonnan den registro komersial.

Si bo ta deseá di lanta un Kompania Kolektivo (Vennootschap onder Firma – VOF), un Kompania Komanditario (Commanditaire Vennootschap – C.V.) òf un ‘Maatschap’, e ora ei bo por klek AKINAN pa e formulario di registrashon digital di e tipo di kompanianan akí. Akí tambe ta konta ku despues di registrashon bo tin ku pasa na Kámara di Komèrsio pa laga verifiká bo identidat.