Bo ta bai muda komo empresa, bo tin un direktor nobo, un number di telefòn nobo òf bo ke añadí un nòmber komersial? E eskohonan ta ilimitá pero e resultado ta meskos: obligatoriamente mester mèldu tur kambio na registro komersial. Dentro di 7 dia despues ku e kambio a bini na vigor, bo tin ku mèldu esaki.

Por mèldu e kambionan direktamente òf digitalmente serka nos. Hopi biaha ta nesesario pa mustra un prueba pa esaki. Bo por upload esaki den nos sistema di registro komersial i manda esaki di e manera akí pa nos. E kambionan mas komun ta:

• Kambio di funshonario di e kompania
• Kambio di informashon di kontakto di e kompania
• Kambio di aktividat empresarial di e kompania

Pa mèldu un kambio ta importante ku bo ta un persona outorisá i ku bo por haña akseso ku bo ‘login’ i bo ‘password’ korespondiente. Pa sòru ku ta solamente personanan outorisá ta meldu kambio, ta otorgá un ‘access code’ (kódigo di akseso) na e personanan akí. Pa hasi petishon pa e ‘access code’ akí bo ta klek AKINAN via bo ‘login’ den e sistema di registro komersial.

Den kaso ku bo no ta disponé di un kòmpiuter i skèner na kas, bo por pasa na Kámara di Komèrsio pa yena bo informashonnan kambiá den nos ‘Kiosko Digital’. Na e momentu ei empleadonan di Kámara di Komèrsio gustosamente ta dispuesto pa duna bo asistensia ku yenamentu online di bo informashonnan den registro komersial.