Sentro pa Empresariado ta duna presentashon na e direktor general di Relashonnan den Reino (BZK) & Sekretario General (EZK)

Riba djárason 17 di aprel e direktor general di Relashonnan den Reino na Ministerio di Asuntunan General i Relashonnan den Reino (BZK), sr Roald Lapperre, i e sekretario general di Ministerio di Asuntunan Ekonómiko i Klima (EZK), a hasi un bishita na Kámara di Komèrsio i Industria Boneiru. Durante e bishita akí nan a haña un presentashon amplio tokante e Sentro pa Empresariado, kaminda a papia tokante e prosedura di ‘intake’, e sistema di traha i e resultadonan.

E programa di Sentro pa Empresariado di Kámara di Komèrsio ta hunga un ròl importante den sostenementu i promoshon di empresariado na nos isla.

E prosedura ku e Sentro pa Empresariado ta manehá, ta sòru pa (potensial) empresarionan risibí e guia i sosten adekuá pa plania nan intenshonnan i ideanan eksitosamente.

A tira lus riba e sistema di traha di e Sentro pa Empresariado, kaminda e énfasis tabata riba ofresé guia, kapasitashon i konseho personalisá.

E bishita di e direktor general di Relashonnan den Reino na Ministerio di Asuntunan General i Relashonnan den Reino (BZK), sr Roald Lapperre, i e sekretario general di Ministerio di Asuntunan Ekonómiko i Klima (EZK), na Kámara di Komèrsio Boneiru i e presentashon tokante e Sentro pa Empresariado ta aksentuá e importansia ku gobièrnu ta duna na stimulashon i sostenementu di empresariado na Boneiru.

Pa medio di un kolaborashon estrecho entre Kámara di Komèrsio i instansianan di gobièrnu, ta traha riba kreamentu di un klima favorabel pa empresarionan i promoshon di kresementu i desaroyo ekonómiko na nos isla.

Bo ta deseá mas informashon tokante pasonan spesífiko òf bo tin pregunta tokante lantamentu di bo empresa? E ora ei tuma kontakto ku empleadonan di BIS, ku bo por alkansá via ondernemerschap@kvkbonaire.com.