Gobièrnu a tuma medidanan sosial-ekonómiko pa empleado i kompanianan. E medidanan disponibel na e momento aki ta:
- Kompensashon ‘ALIVIO’
- Areglo di emergensia SZW
- Kompensashon EZK
- Areglonan di krédito pa kompania
- Medida BCN
Kompensashon ‘ALIVIO’
Entidat Públiko Boneiru tin un areglo pa empresarionan i empleadonan ku a sufri un rekaida serio den entrada pa motibu di e pandemia di COVID-19. E ‘Areglo di Alivio’ aki ta intenshoná komo sosten pa e gastunan nesesarionan ku hendenan ta hasi. Pa motibu di e krísis di corona kasnan di famia ta konfrontá un rekaida imprevisibel, inevitabel i repentino di nan entrada. Debí na esaki e kasnan di famia aki por haña nan mes den problema ku pago di e gastunan nesesario di kas: hür of hipotek, kuenta di awa i koriente i internèt. No tur ora e medidanan aktual di sosten por solushoná e problemanan aki. ‘Alivio’ ta ofresé un alivio pa e gastunan berdadero i nesesario di un kas di famia. E no ta un areglo ku ta duna sosten di entrada.
E areglo aki ta konta pa 3 luna, ku forsa retroaktivo di 1 di yanüari 2021 te ku 31 di mart 2021. Pa e gastunan nesesario di kas, parsialmente òf pa henter e periodo di ‘Alivio’ por duna un kompensashon. Pa bini na remarke kasnan di famia mester konfrontá un rekaida imprevisibel i inevitabel di nan entrada di por lo ménos 30% pa luna. Esaki por ta por ehèmpel ku debí na tur e medidanan ku nan a tuma bo a pèrdè bo trabou, bo no a kai den e areglonan òf bo a haña hopi ménos entrada via bo empresa. E kompensashon ta maksimalmente US$ 1.000,00 pa kas di famia pa luna. Den kalkulashon di e suma ta wak kiko e kas di famia falta pa luna pa por paga e gastunan nesesario di kas.
Entidat Públiko Boneiru mester di bo informashon pa por evaluá si bo tin derecho riba un kompensashon. Pa e motibu aki a pone un formulario pa hasi petishon riba e wèpsait ku bo por usa pa hasi petishon. Bo por hasi petishon pa e medida di sosten ‘Alivio’ te ku mas tardá 2 di yüni 2021. Despues ku nos risibí bo petishon, bo ta haña un email di e emailadrès alivio@bonaire.com ku a risibí bo petishon. E término di tratamentu di bo petishon ta dura maksimalmente 8 siman despues di e fecha ku a risibí bo petishon.
Kompensashon EZK
Empresarionan na Hulanda Karibense (pa di sinku biaha) por risibí un kompensashon pa gastunan fiho for di Ministerio di Asuntunan Ekonómiko i Klima (EZK). E kompensashon di EZK ta pa empresarionan ku tin di haber ku pèrdida di benta debí na e krísis di corona i pa e motibu ei ta mas difísil pa nan por karga nan gastunan fiho. E montante di e kompensashon por varia entre $500 i $400.000 i ta kalkulá a base di sifranan di volúmen di benta.
Pa e di sinku kompensashon aki, ta kompará e sifranan di volúmen di benta di e lunanan yanüari, febrüari i mart 2021 ku e sifranan di volúmen di benta di e mesun lunanan na 2019. Miéntras ku den e areglonan previo di EZK a hasi komparashon ku sifranan di un aña anterior, e bia aki ta hasi komparashon ku sifranan di dos aña pa e mesun periodo. Esaki paso den e promé kuartal di 2020 ta posibel ku e sifranan di benta ya ta afektá pa e krísis di corona. Empresanan ku a kuminsá despues di 1 di yanüari 2019, por tuma kontakto ku unidat SZW di RCN pa haña un kalkulo personalisá di nan pèrdida di benta. Pa por bini na remarke, e volúmen di benta mester a baha por lo ménos ku 30%.
E faktor di kompensashon ta mas haltu ku e areglo di EZK previo; e tabata 0,85 i awor ta 1,00. Esaki ta nifiká ku empresarionan den kaso di sifranan di benta igual awor aki tin derecho riba un suma di kompensashon mas haltu.
Riba e wèpsait di RCN tin un módulo di kalkulashon nobo ku kua empresarionan na un manera fásil por kalkulá e suma ku posibelmente nan por tin derecho riba dje. Den kaso ku e montante aki ta $6.000 òf mas, meskos ku tabata e kaso pa e di dos areglo, mester añadí un deklarashon di un tenedó di buki òf akountent independiente, pa konfirmá e sifranan kompletá.
Por entregá formularionan kompletamente yená i firmá, huntu ku e aneksonan nesesario, te ku mas tardá 31 di yüli 2021 via e adrès di meil tegemoetkomingEZK@rijksdienstcn.com.
Klek aki pa tur kondishon i informashon adishonal relashoná ku e areglo di EZK.
Areglo di emergensia SZW
For di 13 di mart 2020 tin un areglo di emergensia temporario pa dunadó di trabou, empresario independiente i empleado ku ya no tin trabou mas na Boneiru. Nan por haña un kompensashon di e gastunan di salario òf entrada.
Ta prolongá e areglo pa di dos biaha entrante 13 di òktober 2020 i e ta bálido te ku 12 di yüli 2021.
Tin algun kambio kompará ku e promé dos fase nan. E meta di e areglo ta keda pa sostené trabou i entrada, pero ta bira mas importante tambe pa empresa i empleadonan adaptá na e situashon ku ta kambia. Pa e empresarionan mas afektá, un fleksibilisashon ta na vigor for di promé di mart 2021. Despues di risibí aprobashon por eskrito di SZW, nan por utilisá 25 porshento di e oranan di trabou di nan empleadonan miéntras ta sigui risibí supsidio pa gastu di salario.
Klek aki bou riba e situashon ku ta aplikabel pa bo i lesa si, i kon bo por bini na remarke:
Preguntanan hopi hasí
E wèpsait www.bonairecrisis.com tin un bista general di pregunta pa empresanan. E bista general mas aktual aki bo ta haña akinan.