KdK Boneiru ta organisá evento The Next Step: ‘Empleabilidat duradero – Liderago i Personal’

Bo empresa ta kresiendo i bo ta traha ku personal òf bo ta na punto pa bai tuma empleado den servisio?

Kámara di Komèrsio Boneiru ta invitá bo pa e evento di e programa di ‘The Next Step’: ‘Empleabilidat duradero – Liderazgo i Personal.’ Deskubrí konosementu práktiko tokante liderazgo, delegamentu, kon pa motivá personal, kultura di empresa i kon pa anda ku ousensia pa motibu di malesa. Fortifiká bo organisashon i edifiká un tim ku ta resiliente pa futuro.

No pèrdè e enkuentro inspirativo akí!

Fecha: djaweps 28 di mei 2026
Ora: 17:00 or – 21:00 or (16:30 or kana drenta)
Sitio: Plaza Hotel Bonaire
Registrá via e lenk pa registrashon òf skèn nos QR-code
Lenk pa registrashon: https://forms.office.com/e/aUZ6Z1q0Vb

Tokante The Next Step
The Next Step (E siguiente paso) ta e programa di kontinuashon di Sentro pa Empresariado, un inisiativa di Kámara di Komèrsio i Industria Boneiru den kolaborashon ku Servisio di Reino pa Hulanda Empresarial (Rijksdienst voor Ondernemend Nederland). Kaminda e programa di Sentro pa Empresariado ta enfoká riba empresarionan ku ta kuminsando, e enfoke di *The Next Step* ta riba empresarionan (semi) avansá.