Bo ke engrandesé bo chèns pa hasi negoshi di un forma eksitoso? Sigui nos via ‘Facebook live’ dia 15 di yüli.

KvK Academy ta un treinen di Kámara di Komèrsio pa empresarionan ku ta bai kuminsá. Ku e treinen akí e empresario ta hasi su chèns pa hasi negoshi eksitosamente mas grandi.

Treinernan ku hopi eksperensia ta duna den 11 módulo tur hèrmènt pa duna forma na bo empresa i kontinuá eksitosamente kuné. E ronda nobo di lès ta bai kuminsá atrobe na luna di ougùstùs 2021. Pa splika kiku e lèsnan aki ta enserá un seshon ‘live’ di informashon ta tuma lugá riba Facebook dia 15 di yüli for di 18:00 – 19:00. Durante e seshon akí ta anunsiá e fecha di inisio i tambe nos ta duna informashon general tambe tokante por ehèmpel e gastunan i kua ta e dianan ku e treinennan lo tuma lugá. Banda di esei potensial partisipantenan por siña konosé e treinernan i haña informashon tokante e módulonan. Esaki ta e oportunidat ideal pa hasi pregunta, i e ta konta pa ‘start-ups’, hendenan ku ta orientando nan mes riba tereno di empresariado, pero tambe pa empresanan eksistente ku ke oumentá nan konosementu pa loke ta trata sierto tópikonan relevante.

Nos ta invitá tur posibel partisipante pa sigui e seshon ‘live’ akí i pa partisipá aktivamente pa medio di hasi pregunta via e ‘live chat’ dia 15 di yüli.

Sigui nos ‘live’ i bo tin chèns pa gana un lugá grátis den KvK Academy!