Ministerie van Economische Zaken en Klimaat a bishitá KvK Bonaire

Riba djaweps 25 di yanüari 2024 Kámara di Komèrsio Boneiru (KvK) a risibí bishita di Ministerio di Asuntunan Ekonómiko i Klima (EZK). E representante di EZK, Mark Samuels, huntu ku Phar Martha, direktor di KvK, i Pierre Perigault Monte, konsehero empresarial di KvK, a bishitá diferente empresario pa di e manera ei haña un imágen di kon e paisahe empresarial ta lusi na Boneiru.

Den oranan di tramèrdia nan a bishitá Punta Blanku Farm, Kralendijk Ink i Daboussi Motors. E empresarionan a konta tokante loke nan a logra te ku awor, nan kolaborashon ku gobièrnu i otro empresarionan, e invershonnan ku nan a hasi i e desafionan i oportunidatnan di hasi negoshi na nos isla.

Ku hopi interes e ministerio di Asuntunan Ekonómiko i Klima a skucha e eksperensianan di e empresarionan i a reakshoná sumamente positivo riba e desaroyonan ku nan a pasa aden ku nan empresanan. Kámara di Komèrsio Boneiru ta haña importante pa keda den kontakto ku e ministerionan pa di e manera akí tene nan na altura di e desaroyonan riba tereno di empresariado na nos isla.